سلام عليكم ياشبيبه


ياشباب انا سمعت انا السيارات الامريكيه فقط

هي اللي راح تنزل اقيامهن

يقول لك شركة جنرال موتورز اندمجت مع شركة كرايسلر

وسرحت عدد كبير من عمالها


يعني الفور والشفر والجمس بيصيرون ببلاااااااااش

والحين الدعايات شغااااااااله على سيارات الشفر والجمس

وان شاء الله التايوتا معهم

والله يابعدي اللي انا سمعت من واحد له خبرهـ بالمعارض يقوول السيارات الامريكيه هي اللي تبي تنزل ولا بعد نزلته 15% ولا مهب الحين بعد كم شهر اما السيارت الثانيه وخاصه الياباني يقوول اذا نزل فهو بنزل 2000 الا 3000 المستعمل والجديد هين يبنزل تقريبن حول ال15 او ال10 وتراي انقل كلام الرجال مهب كلام اكيييد بس هذا فاهم والله يكتب ان شاء الله اللي بوه خير وياليت ينزلن السيارت لان الصراحه بوه سيارات غاليات ومهب حقهن السعر مثل الهيلكس حول ال80 ولا مهب دفرنسين بعد ولا الربع128 ويقولون انه ارتفع الا 130 قسم بالله حرام ياناس الربع اعطيه الا 85 جديد والهيلكس الا 58 بالنسبه للفل كامل طبعن وتقبلو تحياتي اخوكم شهيّب

آشآعآآت ..

لأن الوكلاء عندنا عندهم سيوله ..

يعني مايهتم اذا قعدن سيارته ولا انباعن ..

ياشباب سمعت انا وكالة جنرال موتورز خاطبت وكلائها بالشرق الاوسط

انها تصرف السيارات اللي وصلوها بالدفعه الاولى حقيين 2009


لان الوكالات محتاجين سيوله ويبون يضخون لهم سيارات ودفعات جديده

ووين بيحطونهم الوكلاء المستودعات مليانه

وهذا الدليل انها بتنزل

http://www.youtube.com/watch?v=g0qDc5-wCgU

وهذا موضوع منقوول من شخص مر المعارض


بسم الله الرحمن الرحيم

السلام عليكم ورحمة الله وبركاته

أخواني قبل فترة كنا ندور سيارة عائلية لأخي الكبير

جيب لأندكروزر أو يكون وتاهو من الموديلات الجديدة

تقريباً في شهر 7 / 1429هـ

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

* لقينا gxr موديل 2006 فل كامل ماشي حدود 120 الف كيلو

حاده راعيه بــ 125 الف ريال

حاولنا فيه يبيع بالــ 120 الف رفض ولا ريال ينزل قلنا سلام عليكم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ

* لقينا يوكن موديل 2005 فل كامل ماشي 90 الف ميل

حاده راعيه بــ 68 الف ريال

حاولنا فيه يراعينا في السعر شوي رفض وقال ولا هللة أنزل

تبغون بالسعر هذا حياكم الله

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

* لقينا 3gxr موديل 2009 فل كامل 8 سلندر على الزيرو

حاده راعيه بــ 195 الف ريال

قلنا ليه سعرك أغلى من الوكالة قال الوكالة تنتظر الين ماتجيك

السيارة 4 شهور تقريباً أو أكثر

حاولنا فيه يبيع بيع معاريض نعطيه قطعة أرض بصك شرعي تسوى 220 الف

ويزيدنا الفرق رفض وقال أبي كاااااااااااااااش

قلنا له هذا رقم الجوال وشاور وشوف لعلى وعسى يهديك الله وتبيع

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

المهم رحنا يوم السبت الماضي نلفلف في المعارض

مرينا على أصحاب السيارات المذكورة في الأعلى لقيناها مكانة ما أنباعت

سعرناها مرة ثانية

لقينا gxr 2006 حاده بــ 120 الف ويقول إذا صامل بـــ 118 الف

ولو نهزه شوي بيوافق بــ 115 الف

ولقينا اليوكن 2005 حاده بــ 60 الف وإذا أنتم صاملين وفلوسكم جاهزة

مانختلف راح أخلصه لكم بــ 58 الف

ولقينا صاحبنا راعي 2009 حاده 188 الف الي يقول كاش ولا يقبل معاريض

قلنا له هذه المرة عندنا 100 الف ريال والباقي غنم نجدية توافق

قال تم اليوم العصر أمر عليكم أشوف الغنم يبي يبيييييييييييع لو بدجاج بعد

هذا دليل على أن السيارات راح ترخص تقريبا 40% الفترة القادمة

ودليل أخر الكل منكم شاف عروض الوكلات ومنها وكالة شفرولية الرمضانية

منقصين 6 آلاف ريال في الكابرس واللومينا والجمس والتاهو

وهذه الأيام مسوين عروض مدرسية منقصين 4 آلاف ريال وهدايا مجانية

وقسائم شرائيه من المركز الفلاني والعلاني

خلاصة القول من أراد شراء سيارة جديدة أو مستعملة فيصبر شهر أو شهرين

ولا يستعجل حتى يراها بالسعر الي يناسبه

كلامك سليم اخو السكب عنيد ..

بس سمعت أيضا .. من قريب لي ..

يقول صح إنها بتنزل .. لكن برا المملكه ..

هنا يقول صدقني بتزيد 10% ؟؟؟؟؟؟؟؟

فما أدري وش السالفه ؟؟؟ أنا انلحست .. كل شوي طالع هرج ..

يقول الوكلات الي هنا بترفع السعر ....

فما أدري وش الدبره .. أشري موتر قبل لاترتفع .. ولا أصبر بعد ماتنخفض الأسعار ..

الله يكتب مابه الخير .. شاكر لكم مروركمـ ..

والله حنا نسمع بـ 40% بس ماندري يمكن يطبقونه بداية السنه

لكن فيه نزول بالسيارات الربع التايوتا انا شخصيا واقف عليه 2008 برمضان كان 127,000 والان

121.500 هذا الكلام عني انا شخصيا مايقوله فلان ولا علان وارجوا انه ينزل يصير حول الميه

وشكرا

تقبل مروري

اخوك محمد

.


.


سيــآرآت شفر ليه شي هي اللي بتنخفض

لأنه خسرآآنه ويقون أن بـأمريكـآ لآ جيت تشتري سيـآرهـ يعطونك مثله هدييه

هذآ دليل خســآرته