السلام عليكم ورحمة الله وبركاته



اسعد الله ايامكم بكل خير



اخواني الاعضاء الموضوع ومافيه هي الحراره



الحراره غثت اخوي بموتره وطفش منه واكثر من مره يبي يبيعه



إلي هو مكسيما 2004 تماتيك



الحراره بالوضع الطبيعي فوق النص وإذا مسك بها خط ارتفعت عليه إلى ان توصل H


والحقيقه هو ما حاول يصلحه ولا يدور وراه طبعآ انا توليتها من وراه



ورحت خذيت غطى رديتر من الوكاله والله نفس الشي ما تغير



وخايف اروح لحقين الرديتر وزي ما انتوا عارفين النصب بالكريك عندهم



فحبيت الي له خبره يحاول يساعدني ،،



مع العلم ان المراوح ما تشتغل إلا اذا شغلت السياره



هل هذا وضعها الطبيعي



وشاكر لكم مقدمآ،،،

وعليكم السلام................
ياخوي اذاالموتر وصل H اكثر من مرة يعني لازم تغير وجة الراس...
و المفروض تشيك على البلف الحرارة...
س1..اذا ارتفعت الحرارة تصب ماء عليها او لا

هذي يالغالي له اكثر من سبب

لكن انصحك تشيك على طرمبة المويه

افتح الاديتر وشغّل السياره وشف اذا

كانت المويه تتحرك او لا .

اذا كان ساكن ما يتحرك فالمشكله عندك من الطرمبه .

شكلك ما تزاود الماء

اسمع يالغالي

انا كان معي فورد 99 .. الحراره مهبلتي منوول .. تاصل H ويقعد يبخر الكبوت وقروشه

هذي توقعاتي ياطوويل العمر .. انه من المراوح حقت السياره .. هي الي تخلي الحراره تقب ..

وكانك تبي محل متخصص في ارتفاع الحراره علمني .. وأعطيك وصفه

اشكركم على ردودكم

اخوي في اكس آر لا بس افتح الكبوت ولا ارش ماء عليه

اخوي مستر هلي لا الطرمبه ما فيها اي شي يعني لو الطرمبه بها بلى كان على طول تنزل ماء

اخوي غليص قبل ما اروح الدوام اشيك الماء والزيت كلها يعني هذي ازهلها

اخوي بيراوي تسلم وما تقصر وإن شاء الله حل المشكله يكون قريب

السلام عليكم

أن أقول تشيك على بلف الحراره
و
الراديتر
لانهن مسببان الحراره
أقرب كهربائي أشبك مروحة المكيف خله تشتغل على طول

السلام عليكم اخوي اذا كان موترك قديم شوي سيخ الرديتر عشان ينضف يمكن متسكرة اتلفتحات الي داخل واذا قمت الصبح اسحب عيار الزيت قبل لاتشغل اذا كان الزيت معه موية لازم تغير وجه الراس هاذا اذا كان محتر من قبل وتقبل مروري

أنا أقول تأكد من الرديتر

صيخ الاديتر وشف الخراطيش